ANG DIYOS AY NAGPAPAGALING

Purihin at pasalamatan natin ang Dios sa pagpapagaling niya kay Bro. Charlie Caburian. Siya ay pinagaling sa UTI noong Nov. 3, 2006. Dahil sa pagtitiwala niya sa Panginoon, ayaw niyang uminom ng gamot at magpa Doktor. Kaya pinapirma siya ng waiver ng mga pinuno ng Juvenile sa Muntilupa. Kung sakaling may mangyari sa kanya wala silang pananagutan. Ngunit ang Dios ay gumawa ng himala pagkatapos ng limang araw siya ay lubusang pinagaling ng Panginoon. Ito'y isang malaking hamon sa atin na magtiwala sa kapangyarihan ng Dios. Dakila ang kanyang katapatan sa kanyang mga anak. Purihin ang Dios.

Idalangin natin ang magkapatid na ito na bago mag convention mabigyan sila ng parol. Pag may susuporta sa kanila at mangangalaga sa kanila maaring sa lalong madaling panahon ay mapapalaya sila bago matapos ang taong ito. Sa araw na ito nakausap ko ang parol section sa La Trinidad, Benguet na kung may papatnubay sa kanila at susuporta sa kanilang pangangailangan sila ay bibigyan na sila ng parol. Kaya idalangin natin ang magkapatid na ito na ang Dios ang tutugon sa kanilang pangangailangan. Nawa humipo siya ng mga taong tutulong sa kanila. Nakita ko ang katapatan ng magkapatid na ito. Alam ko ang Dios di sila pababayaan. Idalangin natin sila mga kapatid.