PAKIKITUNGO SA INGGIT

Ang mga maunlad na mga tao ay laging kina-iinggitan ng mga iba. Kung ikaw ay tatayo sa inyong mga paa, o nagtaas ng inyong tinig, o itangi mo ang iyong sarili mula sa karamihan, mararanasan mo ang galit ng isang mayroong inggit. Ang mga sermon ay pinangangaral laban sa inggit na nasa sa atin, datapuwa’t madalang kung mayroon man, na makarinig tayo ng sermon kung paanong pakitunguhan ang inggit kung ikaw a isang biktima nito.

Mayroong di kukulang sa tatlong mga hahilan kung bakit ang mga tao ay may inggit sa iyo

1. Ang mga tao ay may inggit sa inyong tagumpay. Ito'y totoo lalo na kung ang iba ay damang dama nila ang pakikipagpaligsahan sa iyo. Tiyak na totoo kung ikaw ay sa lantad na nakikipagpaligsahan at nagtatagumpay.
2. Ang mga tao ay maaaring mainggit sa iyong kabutihan. Ang mga taong naging biktima ng masasamang bisyo o ugali ay kinaiingitan ang mga wala nito. Sinabi ni Salomon, "...at bawat gawang mainam na dahil dito ay pinananaghilian ang tao ng kaniyang kapuwa". (Ecc. 4:4) Kanilang pinanaghilian naman si Moises sa kampamento, at si Aaron na banal ng Panginoon. (Awitt 106:16) Kung ang magandang ugali ng mga banal ay hindi makalampas sa inggit ng mga tao, ito'y totoo rin sa panahong ito.
3. Ang mga tao ay may inggit sa inyong pag-aari o kanilang iniiisip na mayroon ka. Ang matagumpay na hanapbuhay ni Isaac sampu nang kaniyang kayamanan at maraming pag-aaring kawan ay kinainggitan siya ng mga Filisteo.

Ano ang ating magagawa sa inggit? Ano ang ating magiging pakikitungo bilang Cristiano na maging mabisa kung siya ay naging biktima ng inggit? Mayroong apat na mga payo".

1. Idalangin ang sapat na biyaya na magtagumpay laban sa inggit ng mga iba. Ang maraming saloobin ng mga iba ay hindi ka kailangang madumhan. Ang gumanti ay magdadagdag lamang ng init sa apoy. sinabi ni Ginoong Tomas Brown, "Bayaang ang katantandaan ang magbigay ng kulubot sa inyong noo at hindi ang inggit; masiyahan kang kainggitan ka huwag lamang ikaw ang mainggit sa kanila.
2. Dumalangin upang maunawaan ang pinanggagalingan ng inggit. Maaring nagkaroon ng inggit ang mga iba hadil sa pinagmamapuri mo ang inyong tagumpay sa kanilang harapan. Ang pagkaunawa sa pinanggagalingan ng apoy ay makapagpapaliit sa alab at maaring makapapatay pa sa apoy.
3. Dumalangin ng biyaya na maging mapagtiis habang ang Dios ang gagawa upang lunasan itong inggit. Si Jose ay pinagbili bilang alipin ng kaniyang mainggiting mga kapatid, pinasama ng isang babaing makalaman, at nakalimutan ng kapuwa bilanggong kaniyang tinulungan. Nang siya'y naging ministro na ng bayang Egipto, nakaharap niya ang kaniang mga kapatid na naging mainggitin sa kaniya at kaniyang sinabi sa kanila, "Para sa inyo inisip ninyong masama laban sa akin, datapuwa't ang Dios ay ginawa Niyang mabuti".
4. Dumalangin ng biyaya na makapagpatawad. Isang pagtutulungan ng mga mainggiting saserdote at isang walang panininindigang gobernador na nagpapako kay Cristo sa krus. Datapuwa't ang unang wika ng Panginoon sa krus ay isang dalangin sa Ama, "Ama, patawarin mo sila, sapagkat hindi nila nalalaman ang kanilang ginagawa.

Wala sa atin ang ligtas sa inggit ng mga iba. Datapuwa't umasa tayo sa biyaya ng Dios na tayo'y maging katimbang sa hamon.

MAS MAHALAGA ANG MGA BAGAY NA ISPIRITUAL

"Of what value is the summa cumlaude without the spiritual strength, the epitome is misdirection and mis education".

Sa panahong ito ay napakaraming mga advance technology. Ang tao ay napakatalino dahilan sa mga invention nila na paliit ng paliit ang mga cellphones at puede na rin manood sa cellphones. Lalong lao na sa internet na kung saan makikita mo ang kausap mo. Pati ang mga kantang napakarami ay mailalagay sa isang maliit na parang ballpen sa nakasabit sa leeg. Yan ang Mp3. Talagang nakakamangha ang talino ng tao sa ngayon.

Subalit alam ninyo ang lahat ng katalinuhang ito ay bale wala kung hindi natin kikilalanin ang ating Panginoon bilang sariling tagapagligtas. Makatapos man tayo ng ilang kurso subalit kung hindi natin nalalaman ang kalooban ng ating Panginoon ay wala ring kwenta, Maging tayo man ang pinakamatalino sa mundong ito ngunit kung di mo alam ang salita ng Dios, ikaw ay kaawa-awa sapagkat ang mga bagay na yan ay dito lamang sa sanlibutang ito Subalit ang nagawa natin sa ispiritual ay siya lamang ating mapapakinabangan. Kung ang pisikal na katawan ay kumakain ng material upang lumakas gayon din ang ating kaluluwa kailangang pakainin din ng spiritual na kaalaman. Upang huwag tayong mapahamak sa ating buhay sa sanlibutang ito kailangan tanggapin natin ang Panginoon sa ating buhay. Pagsisihan lahat ng nagawang kasalanan at talikuran ang dating gawaing masama. Sundin natin ang kalooban ng Dios. Kailangan lumago tayo sa ispiritual at huwag ng bumalik sa dating buhay. Magiba tayo ng ating landas. Iwanan natin ang lumang pagkatao ng sa ganon masunod natin ang kalooban ng Dios.

Sabi sa I Cor. 1;19, " Iwawalat ko ang karunungan ng marurunong, isasawala ko ang kabaitan ng mababait". Kaya ang karunungan sa Dios lamang ang mananatili magpakailan man. Ito ang hanapin natin sa buhay na ito upang makasama natin and Dios magpakailanman.

Sis. Wilma Flores Batalla

La Trinidad, Benguet

Pinag-iba ng Espiritu ni Cristo sa Mapamunang Espiritu

Ang pinabanal na espiritu ay dalisay, mababa, mahabaging espiritu na malaya sa galit, malisya, pakunwaring papuri, puri sa sarili, sariling pagnanais, kataasan sa lahat ng anyo nito. Galit si Jesus sa kasalanan at pagpapaimbabaw ngunit iniibig ang mga makasalanan . Dumalangin at umiyak Siya dahil sa Jerusalem. Idinalangin Niya sa Dios ang kapatawaran ng Kaniyang mga kaaway na nagpapako sa Kaniya na sinasabi, "Ama patawarin mo sila sapagkat hindi nila nalalaman ang kanilang ginagawa", (Lukas 23:34).

Ang maasim, nakakasugat, mapanuya, at mapait na espiritu ay lubusan na di-kilala ang Espiritu ni Cristo. Kung ano siyang tunay sa puso at buhay ay tumutunog na higit na malakas sa mga tainga ng mga tao kaysa sa kanyang sinasabi. Libo-libong mga tao na sumira sa kanilang karanasang Krsitiano sa pamamagitan ng pag-aanyo ng sabi-sabi, di-normal na kaisipan sa mga di pa ginagawa. Nawala na ang maka-Cristong espiritu, at itinulak sila ng diablo sa mapamunang espikritu, na isang huwad para sa Espiritu Santo.

Ang mapamunang espiritu ay nabubuhay sa mga kamalian, kabiguan at kahinaan ng mga iba. Ang mapamunang tao ay pinapaniwala niya ang kaniyang sarili na siya'y itinayo at itinalaga na iwasto ang mga iba. Kaya't tinitingnan niya ang lahat ng bagay at lahat ng mga tao maliban lamang sa kanilang mensahe, nakakakita pa rin siya ng kamalian sa kanila. Kung hindi siya makakita ng depekto sa kanilang buhay, pupunta siya sa nakaraang buhay nila at huhukayin ang mga bagay na pinatawad na ng Dios. Kung siy'ay mabigo sa kaniyang pamamaraan na ito, pupunahin naman niya ang kanilang pananamit o pagsasalita.

Ang mapamunang espiritu ay makamandag. Hindi lamang nilalason ang kaniyang sarili kundi pa naman ang mga iba. Ang isang mapamunang tao ay maibabaling niya ang mga iba laban sa mga anak ng Dios. Higit na katakutan ang kamandag na ito kaysa sa mga nakamamatay na mikrobyo na lumilipad sa hangin. Ito'y katulad ng tumutubong kanser. Hanggang hindi bunutin ito, kakainin niya ang maka-Cristong likas sa kaluluwa. Sa pagtingin sa mga iba na mayroong mapamunang espiritu ay sinisira ang larawan ng pinakamagandang ugali at ibig niyang ilarawan na napakapangit. Ginawa ito kay Jesus ng mga Fariseo.

Sa bawa't oras na ang tukso ay dumarating sa atin upang madaling hatulan ang iba ay naliligayahan sa kanilang kalamidad, kung tayo'y dumalangin para sa kanila, makatatagpo tayo ng pagpapala na higit na mayaman kaysa kanila. Sa bawa't oras na nananatili ang pananakit na nagawa sa atin maging sa ating mga isipan, at nagkaroon ng mapait na espiritu ay lumiit ang ating lakas espiritual.

Dapt nating alalahanin na hind natin madaling punahin ang isa sa mga banal ng Dios na hindi natin sinasaktan ang puso ni Jesus at nagbubunga ng pamamayat sa ating sariling kaluluwa. Pagsikapan natin na ang ating mga puso ay mapanatiling malambot at umaapaw sa dalisay, mapagkumbabang pagibig, na ito ay siya lamang uri ng kabanalan ayon sa Biblia.