ANG DAAN NG KATOTOHANAN: ANG KALIGTASAN

Monday, July 10, 2006

ANG KALIGTASAN

Ang kaligtasan ay pinakadakilang paksa na salaysay ng Ebangelio, na siyang pinakamahalagang mensahe na ibinigay sa mga tao. Hinulaan ni Isaias na darating and Mesias at ililigtas ang kaniyang bayan, (Isa.35:4). Sinabi ng anghel kay Jose sa panaginip na si Maria na kaniyang asawa ay manganganak ng isang lalake at panganganlang Jesus, sapagakat ililigtas Niya ang kaniyang bayan mula sa kasalanan, (Mt. 1:21). Sinabi rin ni Jesus na Siya'y naparito upang iligtas ang nawala,(Lucas 19:10). Kaya't ang kaligtasan ay posible sa lahat.

Ano ang kahulugan ng Kaligtasan? Ang literal na kahulugan ng kaligtasan ay "pagkalaya" at sa kaniyang kahulugang espiritual ay "pagkalaya mula sa kasalanan", (Mat. 1:21; I Juan 3:5; Gal. 1:4). Handa ang Dios na isagawa ang "pagkalaya" mula sa kasalanan sa sinomang tao, (I Juan 1:9,7; Apoc 1:5). Hangga't hindi pa napalaya sa kasalanan ang sinoman, hindi pa siya masasabing ligtas na. Maraming umaangkin na sila'y kristiano datapuwa't hindi pa nila karanasan ang pagkalaya sa kasalanan. Patuloy pa rin silang nagkakasala araw-araw sa kanilang buhay. Sila raw ay "naligtas sa pamamagitan ng pananampalataya" o sila'y "mga makasalanan na naligtas sa pamamagitan ng biyaya". Kaya ang taong naligtas na sa kasalanan ay di na gumagawa ng kasalanan, (I Juan 3:8-10). Ang layunin ng inyong pananampalataya ay ang pagkaligtas ng inyong mga kaluluwa, (I Ped. 1:9). Sapagkat ang kaluluwa ang nagkakasala, (Eze. 18:4). Kaya kailangan maligtas ang kaluluwa sa pagkakasala. Walang kabuluhan ang relihiyon hangga't ang sinoman ay hindi nagkaroon ng tunay na karanasan sa kaniyang kaluluwa, (Felimon 6). Ang kaligtasan ay nagbubunga ng banal at matuwid na buhay sa kasalukuyang sanglibutan ito, (Tito 2:11-14). Kaya ang taong naligtas sa kasalanan ay hindi gumagawa ng kasalanan kundi nabubuhay na siya ng matuwid at banal sa sanglibutan ito.

No comments:

Post a Comment

THE CHURCH OF GOD STANDS FOR

1. An Eternal God - Psalm 90:2

2. A divine Christ - John 1:1, 14

3. An infallibly inspired Bible - II Tim. 3:16; II Peter 1:21

4. Salvation from sin - Mat. 1:21; I John 3:8, 9;

5. The new birth - John 3:1-7

6. Entire Sanctification - Eph. 5:25, 26; I Thess. 5:23

7. A holy life - Titus 2:11, 12; Heb. 12:10-14

8. Unity of God's people - John 17:21; I Cor. 12:13

9. Divine Healng - James 5:14, 15

10. The ordinances - Mat. 28:19, 20

11. Eternal life - Mat. 25:46; Mark 10:29, 30; John 3:15; 6:54; 10:28

12. Eternal punishment - Mark 9:43-46; Rev. 20:15

THE WAY OF TRUTH RADIO BROADCAST

Inaanyayahan namin kayong makinig sa aming radyo program sa RPN 9 Radyo Ronda, DZBS, 1368khz A.M. Baguio City. Mula Lunes hanggang Linggo, 6:00-7:00 ng gabi. Tuwing Lunes tinatalakay ni Bro. Jet Batalla ang tungkol sa Articles of Faith, sa Martes ay tungkol sa Iglesia ng Dios, sa Wednesday naman ay tungkol sa Kaligtasan. Every Thursday and Friday ay tinatalakay ni Sis. Wilma Batalla ang tungkol sa Practical Christian Living. Every Saturday si Bro. Greg Tyler ang nangangaral at tuwing Sunday ay si Uncle Alvin Craig naman.

"ANG DAAN NG KATOTOHANAN" - Magazine

Ang mga kapatid sa buong Pilipinas ay nagalak sa pagsilang ng munting pahayagan ng Iglesia ng Dios na tinawag na "Ang Daan ng Katotohanan" na pinatnugutan ng ating namayapang Pastor Victoriano T. Luzong noong taong 1994. Maraming mga biyayang espiritual ang naibibigay at naitutulong nito sa buhay ng mga Cristiano. Kaya "Ang Daan ng Katotohanan" ay muling nagbabalik upang maghatid ng biyayang espiritual sa lahat ng mga mambabasa ng magasin na ito. Ang nilalaman nito ay mga mensahe, sanaysay, maikling kuwento, mga ilustrasyon, balita, sermon outline, at pagpapaliwanag sa mga doktrina ng Iglesia ng Dios.

Kung ibig ninyong magkaroon ng kopya nito ay malaya kayong sumulat sa, Ang Daan ng Katotohanan, The Church of God, Lacayanga Subdivision, Paniqui, Tarlac 2307. O kaya'y mag txt kayo sa 09175140307. Kung ibig ninyong tumulong sa paglilimbag ng magasing ito ay maari ninyong kontakin si Sis. Judith Batalla sa mga nasabing numero sa itaas.