PAG-IBIG MAKA-DIOS

"Pag-ibig ma-kaDios", anong kahulugan?
Hindi ito alam kung di karanasan!
Di ito katutubo at di nalalaman
Ng likas ng tao sa kaniyang buhay.

Ang pag-ibig na ito ang s'yang kailangan
Ng bawat kinapal upang makatanaan
Sa langit na bayan na pinaghandaan
Ng Panginoon sa Kanyang kaharian

Kung ikaw man ay isang makata
At tulad ng anghel sa pananalita.
Kung malaman mo man ang mga hiwaga,
Walang saysay ito kung walang pagsinta.

Ang pagsinta'y sa Dios at sa kapwa tao
Ito ay pag-ibig na maka-mundo
'Di ito makikita sa pagsasakripisyo
Na mayrong hangaring masamang motibo.

Ang pag-ibig na ito'y mapagpahinuhod.
Di mapagpalalo ang puso at loob
Ang pag-ibig na ito'y di nananaghili
Mapagkubaba't di nagmamapuri.

Pagibig maka-Dios ay Di nagkukulang
Hula'y matatapos ng ganon na lamang
Wika ay titigil, di pakikinabangan
Mga kaalama'y mawawalang kabuluhan.

Ngunit ang pag-ibig ay magtatagumpay
At di magwawakas magpakaiilan man
Ito'y ibibigay sa sinomang laan
Magbigay ng buhay sa Poong Maykapal!

By: Pastor V.T. Luzong
Paniqui, Tarlac